പ്രാര്‍ത്ഥന

പാരുഷ്യമേറുന്ന വാക്കുകളൊന്നുമേ
എന്നുടെനാവില്‍ വരാതെയിരിക്കുവാന്‍
കാരുണ്യമേറുന്ന നിന്നോടിതുമാത്രം
എന്നുടെപ്രാര്‍ത്ഥന!ശ്രീഗുരോചിന്മയ!

ഉദകക്രിയ

മനസ്സെന്ന നദി-
ചിന്തകളാകുന്ന വെള്ളം-
ബുദ്ധിയാകുന്ന കരകള്‍-

ജീവനെന്ന ഞാന്‍,ബുദ്ധിയാകുന്ന കരയില്‍ നിന്ന്,മനസ്സാകുന്ന നദിയിലിറങ്ങി,ചിന്തകളാകുന്ന വെള്ളംകൊണ്ട്,പൂജ്യഗുരുദേവന്റെ കാര്‍മ്മി‍കത്വത്തില്‍,എന്റെ വാസനകളുടെ ഉദകക്രിയ ചെയ്യുന്നു.

ഗുരുദക്ഷിണ?

ശേഷിച്ച വാസനകളും ആഗ്രഹങ്ങളും സങ്കല്പങ്ങളും ശരീരത്രയമെന്ന വെറ്റിലയില്‍ വെച്ച് പഞ്ചപ്രാണങ്ങളാകുന്ന പാക്കും പുണ്യപാപങ്ങളാകുന്ന നാണയങ്ങളും ചേര്‍ത്ത് അവിടത്തെ പാദങ്ങളില്‍ വെച്ച് സാഷ്ടാംഗപ്രണാമങ്ങള്‍.